幫你抽咗三張牌，睇吓你同佢個關係發展/感情狀況。

[Queen of Wands] 權杖皇后。代表你，你好殷切期待/好開朗想去發展關係，你係好 ready 啦，思想亦都準備好。

[8 of Pentacles] 錢幣8。中間嗰張就係你哋嘅互動。我見都係個老人家營營役役咁做同一樣嘢，感覺好悶。

[King of Swords] 寶劍國王。代表對象，其實佢本人隨時都 ready，但係佢身邊有好多雲，佢覺得有啲嘢未搞清楚，佢未睇到大家嘅關係或者將來，所以唔郁。

呢三張牌比較容易明白。國王和皇后代表你哋兩個，中間係互動。

可能佢覺得同你一齊嘅時間，令佢開始覺得比想像中悶，不似預期，又或者佢睇唔到有機會得到佢想要嘅嘢，無耐性等。簡單啲講，佢應該都係目的為本嘅人，

因此對你比之前冷淡，無咗之前嘅熱情。

如果你想同佢喺埋一齊，只要撥開佢周圍啲雲，可能你要表示一啲 commitment，等佢望清楚未來，應該會有更進一步嘅發展。