• 幫你開三張牌，睇近期感情狀況。
• 之後會再開六張牌，加上生命密碼，睇最近半年運勢。
• 最後開你星盤，睇你愛情模式同 Mr. Right 係點。

1️⃣

[Ace of Cups] 聖杯1。見到隻雀撞入來，衝去隻杯度，感到突然有人闖入你的感情世界，突然出現，吸引住你。

[8 of Pentacles] 錢幣8。見到有個人係隻杯度拎啲硬幣出來，感到損失，尤其是物質/金錢方面。

[7 of Swords] 寶劍7。見到那個人搖身一變，變做黑衣人，拎住啲嘢走。感到佢反轉豬肚，仲好有攻擊性。

總體來講，近期你好可能會識到個男仔，佢好主動，你好容易俾佢吸引住，甚至可能有啲把持唔住，不過時間一久，你開始見到佢有啲動作，可能會令你喺物質或者金錢上面會有損失，當你察覺到嘅時候，佢就反轉唔應人，甚至會攻擊你。

即係近期你好可能會遇到爛桃花，咁我估你都唔會自動送上門，所以嚟緊個感情狀況都係麻麻哋，如果真係唔信邪，咁要戴眼識人。咁就努力裝備下自己啦，專心做吓自己嘢。

2️⃣

由左到右，代表 2022 年 8 月至 2023 年 1 月。配合你的生命密碼（生日）。睇你愛情運勢/桃花。

• 2022年 8月-等
• 2022年 9月-桃花 (偏爛)
• 2022年 10月-等
• 2022年 11月-等
• 2022年 12月-桃花 (會出現，不過要努力主動)
• 2023年 1月-等

12 月會出現桃花 [King of Swords]，那個月剛好是你進入 5 號能量，5 號能量係挑戰，所以如果你覺得對象係啱嘅，對你來講，就要主動啲，成功率會高啲。

3️⃣

金星～雙魚座～第 9 宮

為情付出係金星雙魚女仔最開心嘅事，你包容力強，就算對象有啲乜嘢唔好，心軟嘅你都容忍到。第 9 宮代表你嘅愛情容易發生喺遠方/外國，又或者喺文化研究嘅領域，又或者新聞傳播媒體領域。

另外，金星雙魚都係大愛嘅人，加上容易動情嘅月亮雙子有相位，又位於代表社交的第11宮，簡單啲講，你識好多人，又好容易鍾意人，這會影響你難以專一。

天蠍座～第 5 宮

第5宮主愛情。你在感情上很沒有安全感，成日亂諗嘢，而且情緒好易擺出嚟畀人見到，很易令情人受不了。即係話，你又容易鍾意人，但又容易亂諗嘢/呷醋⋯⋯試吓專注一點，呢個係你人生嘅課題，加把勁改善。

火星～摩羯座～第7宮

你的第5宮的守護星是火星，同時也是進入關於伴侶的第7宮，代表你希望戀愛的對象就是結婚的那一個。

呢件係好事，但係你上升係巨蟹座，天頂/第10宮係太陽，你希望事業家庭兼顧，但往往你成日會將心力放喺事業度，而忽略伴侶，搞到夫妻不和，呢點就要多啲留意。

星盤推運

金星（愛情）和太陽會在2022年11月尾至12月進入射手座x第5宮（愛情），隨後火星（性愛）逆行回到第11宮（社交），簡單來說，這時期最旺桃花。