你好呀，最近岩岩適應咗份新工，但同時又有機會收到另一份offer，呢個offer人工高啲，而且做既嘢有意義啲 ，但因為要對人，所以覺得自己性格唔係好啱。想透過占卜黎問下，我究竟應唔應該轉行🙏🏻🙏🏻

---

幫你開5隻牌，左同右，二揀一。

中間 [4 of pentacles] 錢幣四，係代表你而家嘅狀況，沉思/考慮/諗緊。

---

先講右路，繼續依家份工。

[5 of Pentacles] 錢幣5。睇牌面就知道唔係好對路，份工幾勞心勞力，錢唔易賺。

[Page of Cups] 聖杯侍從。繼續做落去呢人際方面都唔會拓展得好好，都仲係初哥一個。

****右邊，即係繼續呢份工，見到付出同收穫不成正比，唔係搵唔到錢，甚至可能比而家搵多少少，但係比較艱辛，而且繼續做落去嘅話，你得到嘅成就感都唔會太多，前景係比較渺茫。

---

然後左路，新Offer。

[2 of Pentacles] 錢幣2。企高地，新景象，開心搵到錢。

[Devil] 惡魔牌。你面對嘅人多咗，但佢哋好聽你話，你感覺操控到。

****左邊條路，你嗰個新Offer。好明顯有個對比，你會好開心咁去賺佢嘅人工，亦都會見識到好多嘢，學到好多嘢，你覺得錢會比較賺得有價值。

如果繼續做落去，你就算面對好多人都好，你都覺得應付自如，方法係可能用你手上面嘅資源，去發展對外嘅人際關係（利用「錢幣」變成「鎖鏈」）。

有個好消息就係，份工你會越做越上癮，越來越易同人相處，可能因為有滿足感或者成就感，又或者你講嘅有意義。

另外，想行左路的話，你要適當地放棄某啲嘢，有四粒錢幣變成兩粒錢幣，你先可以放開懷抱，開展新工作。