我會幫你抽三隻牌，睇吓點解長期合作嘅 job 唔再續約。

[3 of Wands] 見到那個人期待船隻按時間到達，感覺很滿意。

[2 of Cups] 見到兩隻手打算合埋一齊，但係中間出現火花電光，感覺痴唔埋。

[8 of Wands] 見到權杖飛得有快有慢，感覺無所適從。

權杖係代表事業，出現兩張權杖牌，而中間係溝通牌，已經比較容易看到原因。

簡單啲講係有兩樣嘢，第一樣合作不似預期，第二樣係延伸出來嘅溝通有問題。

[3 of Wands] 係代表你哋合作本來應該係有啲目標性，應該係佢有個預訂嘅時間日子去做到嘅嘢，但 [8 of Wands] 係代表失衡，有啲做快，有啲做慢，影響到大家合作嘅schedule，可能會失預算。

再加上 [2 of Cups] 顯示溝通上可能有啲問題，即係大定喺解釋合作進度有差異嘅時候，出現溝通問題。

種種問題層層疊疊，於是大家就冇再合作。